Samantekt

Nú er rétti tíminn til að ferðast innanlands og kynnast fallega landinu okkar. Því er tilvalið að slást í för með okkur í skemmtilega jöklagöngu á hinum stórkostlega Sólheimajökli!

Hápunktar

  • Skemmtileg jöklaganga
  • Sólheimjökull

Sólheimajökull er skriðjökull á sunnanverðum Mýrdalsjökli sem nýtur sín vel í fjölbreyttu landslaginu. Jökulsorfin fjöllin, jökulruðningarnir, lónið og skriðjökulinn skapa andstæður sem tilkomumikið er að njóta. Tilfinningin að standa á þúsund ára gömlum ís er ógleymanleg upplifun.

Jökulinn hefur lengi verið vinsæll áfangastaður fyrir þá sem vilja komast í snertingu við hreina náttúru og er aðkoma auðveld sem gerir hann kjörinn fyrir göngur sem þessa. Á jöklinum veitum við upplýsingar og fróðleik um myndun jökulsins, landmótun hans og nánasta umhverfi einnig gefst tími til að staldra við öðru hvoru, skynja ægifegurð jökulsins og njóta stórfenglegs útsýnisins.

Sólheimajökull er í 2 klukkustunda akstursfjarlægð frá Reykjavík. Gangan tekur um 2,5-3 klukkustundir og er tiltölulega létt. Allir sem náð hafa 8 ára aldri og eru við góða heilsu eiga því auðvelt með að ganga á jökulinn og njóta afþreyingarinnar.

Komdu með okkur í ævintýraferð í stórbrotinni náttúrunni á Sólheimajökli!

Staðsetning Sólheimajökull
Lágmarksaldur 8 ára

Frá

53
Á mann
Save 36 USD
per person

Hvað er Innifalið

Innifalið

  • Jöklaganga með leiðsögn
  • Nauðsynlegur jöklabúnaður

Gott að koma með

  • Húfu og vettlinga
  • Vatnsheldan jakka og buxur
  • Góða gönguskó
  • Auka fatnað, þurra sokka og nesti

Ekki Innifalið

  • Matur

Ferðalýsing

Upplýsingar

Sólheimajökull er í 2 klukkustunda akstursfjarlægð frá Reykjavík. Sérþjálfaðir leiðsögumenn leiða ferðina sem tekur sirka 2,5 – 3 klukkutíma í heildina og er tiltölulega létt. Gangan hentar því öllum þeim sem hafa náð 8 ára aldri og eru við góða heilsu. Allur öryggisbúnaður sem er nauðsynlegur fyrir jöklagöngur er á staðnum, en þar má nefna mannbrodda, hjálma, belti og ísaxir.

Þáttakendur eru beðnir um að mæta vel klæddir og í góðum gönguskóm sem ná yfir ökkla. Hægt er að leigja gönguskó fyrirfram eða á staðnum.

 

 

 

Farið er frá bílastæðinu við Sólheimajökul. Þið finnið okkur í gulri skólarútu á planinu merkta Arctic Adventures. Ætlast er til að fólk sé mætt að minnsta kosti 15 mín fyrir brottför.

 

Spurt & Svarað

Við mælum með því að klæða sig eftir veðri og að klæða sig í lög sem auðvelt er að fara úr og aftur í eftir aðstæðum. Ullarnærföt, góð peysa eða flís og vatnsheld skel eru 3 lög sem við mælum helst með ásamt húfu og vettlingum. Ekki er mælt með því að mæta í gallabuxum eða strigaskóm í þessa ferð.

Góðir gönguskór eru nauðsynlegir.

Alltaf er gott að taka með sólgleraugu þegar haldið er á jökul þar sem ísinn endurvarpar miklu ljósi þegar sólin skín. Gott er að hafa sterka sólarvörn með í för til að setja á andlitið.

Við mælum sterklega með því að hafa meðferðis auka fatnað, þurra sokka og nesti og þá er tilvalið að hafa með bakpoka til þess að geyma þessa hluti.

Matur er ekki innifalinn í ferðinni og því mælt með að taka með sér gott nesti og drykk.

Allur öryggisbúnaður er til staðar og innifalinn í verði en það eru mannbroddar, hjálmar, ísaxir og belti.

Fleiri spennandi ferðir

Ferðalýsingar